VOV4.Bahnar - Anih vei lăng kon pơ lei kơ pơ lei tơm Hồ Chí Minh ‘nao đei hla ar gơ̆ih kơ Anih vei lăng găh pơ tho pơ hrăm kŭm hăm rim anih jang ƀơm truh găh tơ drong drơ̆ng nơ̆r trong jang pơ jing dôm kơ sô̆ jên tơ gŭm nôp jên hŏk đơ̆ng sơ năm hŏk 2022-2023 păng dôm sơ năm đơ̆ng rŏng dơ̆ng. Kiơ̆ kơ hla ar tơ roi ‘năr 19/5/2022 đơ̆ng Anih vei lăng găh pơ tho pơ hrăm pơ lei tơm Hồ Chí Minh găh trong jang pơ jing dôm kơ sô̆ jên tơ gŭm nôp jên hŏk hăm dôm hnam trưng jăl 2 kơ teh đak păng kơ dih đơ̆ng sơ năm hŏk 2022-2023 păng dôm sơ năm đơ̆ng rŏng dơ̆ng lơ̆m pơ lei tơm Hồ Chí Minh, Anih vei lăng kon pơ lei kơ pơ lei tơm drơ̆ng nơ̆r athei âu, drơ̆ng nơ̆r trong jang pơ jing dôm kơ sô̆ jên tơ gŭm nôp jên hŏk ăn hŏk tro hŏk tơ̆ hnam trưng teh đak păng kơ dih lơ̆m tơ ring đơ̆ng sơ năm hŏk đơ̆ng 2022-2023. Anih vei lăng kon pơ lei kơ pơ lei tơm Hồ Chí Minh pơ jao kơ Anih vei lăng găh pơ tho pơ hrăm pơ gơ̆r, jang hơ dai hăm rim anih jang ƀơm truh tơ chĕng hơ len pơ jing kơ sô̆ jên tơ gŭm lăp hăm dôm jăl hŏk (đơ̆ng jăl 1) vă tơ jur tơ drong ƀơm ưh kơ ‘lơ̆ng ăn tơ pôl yua đơ̆ng hơ met ming jên thu nôp jên hŏk kiơ̆ tơ chơ̆t  81/2021/NĐ-CP  đơ̆ng Khŭl kơ dră teh đak.

Thuem: Tơ blơ̆