Lơ̆m 3 năr, đơ̆ng 1 - 4/11, tơ̆ apŭng Kon Plông, dêh char Kon Tum, Anih pơ gơ̆r jang kơ tĕh đak găh tang găn sar bar pơ gơ̆r Hop akŏm pơ tâp pơ hrăm, hơ tŏk tơ drong tang găn sar bar đơ̆ng hơ yuh plenh tĕh ăn đe kăn ƀô̆ bơ̆ jang tang găn sar bar păng khul jang tang găn sar bar tơ̆ xăh.

Pơ jao tơ mam ăn Khul jang tang găn sar bar

Dôm bơ ngai hŏk đei pơ tho tơ ƀôh dôm tơ drong kăl lơ̆m kơ sơ̆p Hla ar “Pơ tâp pơ hrăm năm jang tang găn sar bar tơ̆ xăh”. Ƀlep ƀât ‘măng mă âu, dôm bơ ngai juăt jang chă tơ blang, tơ lĕch trong jang vă khul kơ dră tơ ring, khul jang kơ pal kơ chăng tơ jră hăm tĕh dơ drŏ tơ̆ tơ ring. Ƀlep ƀât ‘măng mă âu, Anih pơ gơ̆r jang kơ tĕh đak găh tang găn sar bar hơ păh tơ mam kơ măt ăn 1,2 khul jang tang găn sar bar tơ̆ dôm dêh char: Kon Tum, Gia Lai, Dak Lak, Dak Nông, Lâm Đồng păng Quảng Nam.