VOV4.Bahnar - Đơ̆ng rŏng 7 năr bơ̆ jang tĕnh kuăng, tơ păt păng ƀĕnh jơ hngơ̆m đon jang tơ năp, ‘năr brei (9/10) tơ̆ Anih bơ̆ jang Trung ương Đảng, Hop akŏm ‘măng mă 6 Anih chĕp kơ̆l Trung ương Đảng jăl XIII hôp pơ tôch hăm tơ drong pơ gơ̆r đơ̆ng Tổng Bí thư Nguyễn Phú Trọng. Pơ ma pơ tôch hop akŏm, Tổng Bí thư tơ roi hơ dăh, 1 tơ drong ‘nao tơ̆ Hop akŏm ‘măng âu ‘noh jĭ: ‘măng mă blŭng Anih chĕp kơ̆l Trung ương hlôi pơ gơ̆r set hơ len, tơ chơ̆t vă kang ƀô̆ găh Trung ương vei lăng pă đei jang lơ̆m Khŭl chĕp kơ̆l Trung ương Đảng jăl XIII kiơ̆ trong jang đơ̆ng Anih tơm Chĭnh trĭ tơ̆ tơ chơ̆t găh tơ drong ưh kơ ăn jang, pơ dơh kơ jang hăm kang ƀô̆ păng roi tơ băt găh proh hơ met ăn tơ drong jang hăm kang ƀô̆ đơ̆ng rŏng kơ đei ki luơ̆t, hăm đe Kơ dră jang lơ̆m Trung ương Đảng Nguyễn Thành Phong, Huỳnh Tấn Việt, Bùi Nhật Quang, păng tơ chơ̆t pơm kiơ̆ ki luơ̆t ƀok Phạm Xuân Thăng, bơ ngai jang lơ̆m Trung ương Đảng; Bí thư Anih jang Đảng dêh char, kơ dră jơ nŭm pơ gơ̆r kon pơ lei dêh char Hải Dương hăm trong tơ lĕch Đảng.

Tổng Bí Thư Nguyễn Phú Trọng iung pơ ma pơ tôch ‘măng hopa kŏm mă 6 jăl XIII

Tổng Bí thư athei păng tơ ƀôh đon lui ngeh đĭ đăng Đảng, đĭ đăng lĭnh păng đĭ đăng kon pơ lei gô pơ gơ̆r jang kiơ̆ jơ nei dôm tơ drong tơ chơ̆t, pơ tôch đơ̆ng Hop akŏm Trung ương ‘măng âu, tơ gop jang kiơ̆ jơ nei tơ drong tơ chơ̆t Hop akŏm XIII kơ Đảng, pơm ăn teh đak bơ̆n roi ‘năr roi tŏk hơ nŭk hơ na, hơ drĕch hơ drŭng bơ̆n roi ‘năr chơt hơ iă hloh.

VOV/Thuem tơ blơ̆