VOV4.Bahnar - Pơ gê 17/2, tơ̆ plt Gia Nghĩa, dêh char Dak Nông, Công ty tơm Tân Cảng Sài Gòn pơ gơ̆r hop akŏm pơ tôch tơ drong jang tơ roi tơ băt găh đak dơ sĭ, achon kông tơ̆ đak dơ sĭ. Vang akŏm đei bơ ngai tang măt kơ Anih jang đảng dêh char, Ban Tuyên giáo 6 dêh char: Dak Nông, Gia Lai, Kon Tum, Thanh Hóa, Bình Dương, Hậu Giang; bơ ngai tang măt ăn Anih jang Chinh trĭ kơ Khul linh đak dơ sĭ; Kơ dră chĕp kơ̆l Công ty tơm Tân Cảng Sài Gòn; Anih jang Chinh trĭ kơ Công ty tơm, Khul linh đak dơ sĭ 128, Khul linh đak dơ sĭ 129. 

Sơ năm 2021, khul bơ ngai jang tơ roi tơ băt đơ̆ng Công ty tơm Tân Cảng Sài Gòn kơ chăng năm tơ̆ dôm anih jang, tơ ring tơ rang pơ gơ̆r 12 ‘măng tơ roi tơ băt găh đak dơ sĭ, achon kông tơ̆ đak dơ sĭ, sơng đei 3.200 ‘nu kăn ƀô̆, đảng viên, kon pơ lei, hŏk tro, sinh viên păng rơ bâu ‘nu kon pơ lei jang ka vang akŏm. Tơ drong tơ roi tơ băt găh đak dơ sĭ, achon kông tơ̆ đak dơ sĭ đơ̆ng Tân Cảng hăm 6 dêh char đei lơ tơ drong ‘lơ̆ng, tơ tom roi tơ băt vang tơ gop pơm hơ tŏk đon hlôh vao găh hơ năp jang păng pơ jing tơ drong drơ̆ng nơ̆r lơ̆m tơ pôl hăm tơ drong jang vei lăng tơ drong pơm tơm tơ̆ đak dơ sĭ, achon kông đak dơ sĭ gĭt kăl kơ tĕh đak.

Dơ̆ng: Tơ blơ̆