VOV4.Bahnar - Tơ̆ Hnam Kuôk hô̆i, Kơdră chĕp pơgơ̆r Kuô̆k hô̆i Vương Đình Huệ pơm tơm jơ bơ̆ jang hăm Khŭl kơdră chĕp pơgơ̆r Dơnŏ anĭh bơ̆ jang Mŭk drăm kơ Kuô̆k hô̆i ăn tơgop nơ̆r găh bla bơar chĭh tơbăt bơ̆ jang dăr lăng 5 sơnăm jang kiơ̆ Tơdrong tơchơ̆t kơsô̆ 31/2016 kơ Kuôk hô̆i găh pơdơ̆h jang tơmơ̆t jên jang tơdrong vă jang ŭnh hơyŭh hạt nhân Ninh Thuận. Tơ̆ jơ bơ̆ jang, lăp đơ̆ng rŏng mơ̆ng pơma dơnŭh, Kơdră chĕp pơgơ̆r Kuô̆k hô̆i Vương Đình Huệ sơkơ̆t hơdăh tơdrong pơdơ̆h jang ŭnh hơyŭh Ninh Thuận ‘nŏh jing mĭnh trong jang, tơdrong tơchơ̆t trŏ ƀlep đơ̆ng Trung ương păng athei, Dơnŏ anĭh bơ̆ jang Mŭk drăm kơ Kuô̆k hô̆i tơgoăt iŏk nơ̆r tơgop tơ̆ hop akŏm, iung jang hơdoi hăm rim hơnĭh tơm, hơnĭh bơ̆ jang păng dêh char Ninh Thuận pơm pơkeh hla bơar tơchơ̆t kosô̆ 31 đơ̆ng Kuô̆k hô̆i, lăng hơlen dôm tơdrong jang iŏk đei jơnei păng tim mă ‘lơ̆ng, tim mă đang, mă kăl tơdrong yông kon pơlei, pơjing pơlei oei ‘nao, pơ prŏ, hơmet ăn tĕh jang sa lăp đơ̆ng rŏng pơdơ̆h iung jang tơdrong vă jang ŭnh hơyŭh hạt nhân, tơlĕch nơ̆r apĭnh athei Kuôk hô̆i, Khul kơdră Tĕh đak vă hơnơ̆ng hơmet pơ ‘lơ̆ng, pơjing rơvơn ăn dêh char hơnơ̆ng atŏk tơ iung tĕnh koăng, kơ jăp hlŏh dơ̆ng.

Tơblơ̆ nơ̆r: Amazưt