Đei pơgơ̆r đơ̆ng năr au trŭh năr 10/12, ‘nau ‘măng mă blŭng pơdă Khuol linh Apŭng plĕnh teh đei pơgơ̆r tơ̆ teh đak bơ̆n.Kiơ̆ trong vă pơgơ̆r, tơ̆ pơm lêh pơgơ̆r blŭng a khul lĭnh gre păr kon pơlei Việt Nam gô păr pơrŏ kơkuh chơt hơ iă ăn ‘măng pơdă.

Tơdrong pơgơ̆r au đei vang chă păr đơ̆ng khul vơ̆r gre vơvêl păng gre păr  SU-30MK2 tơ̆ rơvơ̆ng plĕnh Hơnĭh tơm Hà Nội, Mĭnh lơ̆m dôm tơdrong tơnap ‘nŏh păr ting ring 2 tong gre vơvêl, 4 tong gre păr SU-30MK2 kơ Trung đoàn 927. Pha hăm rim ‘măng păr năm păr joang vei lăng rơvơ̆ng plĕnh kơ Teh đak, ‘măng mă au, rim ‘măng păr tơ̆ rơvơ̆ng plĕnh Hà Nội gô hơnhăk ba hloi jơhngơ̆m đon hưch hanh hơmanh bơnê găh jơhngơ̆m pran păng tơdrong gơ̆h hơgei kơ Khŭl lĭnh gre păr Việt Nam vă pơjing đei ‘măng păr lăng ‘lơ̆ng hơ iă hlŏh hăm kon pơlei păng bôl boăl apŭng plĕnh teh.