Tơ̆ ‘măng hop akŏm au, Kuô̆k hô̆i akŏm lơ̆m 4 năr, lăng hơlen, tơchơ̆t 5 tơdrong gĭt kăl hlŏh, trŏ lăp tơtom hăm tơdrong lơ̆m erĭh sa. Mă hơdăh, Kuô̆k hô̆i lăng hơlen, pơdrơ̆ng kiơ̆ Khôi luơ̆t Khăm jĭ, ming hơmet jĭ (hơmet ming) vă atŏk kơtang bơ̆ jang vei lăng năng tông jơhngơ̆m jăn kon pơlei; lăng bơngai jĭ ‘nŏh jing tơdrong tơm lơ̆m khăm ming hơmet jĭ jăn.

Tơchĕng hơlau 3 Tơdrong tơchơ̆t đei pơdrơ̆ng kiơ̆, lơ̆m au mă kăl ‘nŏh Tơdrong tơchơ̆t găh Pơ prŏ tơdrong jang tơm Teh đak jăl jang 2021-2023, lăng trŭh sơnăm 2050 vă iung jang dôm tơdrong đei lơ̆m rim tơring mŭk drăm-tơpôl; xơkơt hơdăh lăng trŭh sơnăm 2050 jing teh đak atŏk tơ iung, jang sa iŏk yua kơ jăp, tơpôl hơtŏ hơnơ̆ng, gơ̆h hơgei. Tơdrong jei kăl mŏn ‘nŏh Kuô̆k hô̆i lăng hơlen găt tơdrong măt bơngai kơdră tang măt păng rim kơdră găh lơ̆m Kuô̆k hô̆i.