VOV4.Bahnar - Pơgê năr 10/8, tơ̆ pơlei tơm Hồ Chí Minh hlôi pơgơ̆r blŭng a ‘Măng tơƀơ̆p dĭh băl hơ iŏh pêng tĕh đak Việt Nam-Lào-Campuchia hăm đei vang năm đơ̆ng 184 ‘nu hơ iŏh păng 35 ‘nu kang ƀô̆ vei lăng ‘nŏh dôm bơngai gơ̆h hơgei lơ̆m hŏk pơhrăm păng rim tơdrong jang hơ iŏh kơ pêng tĕh đak. ‘Măng tơƀơ̆p dĭh băl hơ iŏh pêng tĕh đak Việt Nam-lào-Campuchia sơnăm 2022 hăm hơnăn “Rôp ti dĭh băl bôl boăl” đei lơ tơdrong pơgơ̆r ‘lơ̆ng hơ iă tơ̆ pơlei tơm Hồ Chí Minh nhen: năm tơmang lăng bri ‘long đak đak tơ̆ng, pơtăm ‘long đươk tơ̆ apŭng Củ Chi, vang năm tơmang pơ hiơ̆ hơnĭh gru gra gĭt kăl dăr sơnăm trôm sơlŭng Củ Chi - hơnĭh soi tơbĕh Bến Dược, pơgơ̆r jŏh ayŏ kơdŏ soang hơ iŏh Việt Nam - Lào - Campuchia... ‘Nau jing mĭnh lơ̆m dôm tơdrong pơgơ̆r gĭt kăl kơkŭh chơt hơ iă ăn Sơnăm tơgoăt tơgoăl Gĭt kăl Việt Nam - Lào păng Campuchia sơnăm 2022, tơbăt 60 sơnăm năr pơjing tơbôl Việt Nam - Lào păng 45 sơnăm năr kĭ pơkăp Tơgoăt tơgoăl păng jang hơdoi Việt Nam - Lào, tơbăt 55 sơnăm năr pơjing tơbôl Việt Nam - Campuchia.

Tơblơ̆ nơ̆r: Amazưt