VOV4. Bahnar - Pơdă rup “Pơlei tơm Hồ Chí Minh – 47 sơnăm atŭm lơ̆m tĕh đak, kơ yuơ kơ tĕh đak” hlôi đei pơgơ̆r blŭng a lơ̆m năr 27/4 tơ̆ Koeng kơphô̆ yak jơ̆ng Nguyễn Huệ, pơlei tơm HCM. Pơdă rup đei pơgơ̆r đơ̆ng năr 27/4 trŭh năr 7/5 tơ̆ 4 kơnĭh: jăl trong Nguyễn Huệ, trong Đồng Khởi, găh hơnăp Cham să Chi Lăng păng Hơnĭh tơm Văn hóa Lao động, Quận 1. Tơ̆ trong Nguyễn Huệ păng trong Đồng Khởi, Khŭl kơdră chĕp pơgơ̆r hlôi pơdă 90 hlak rup tơbăt ăn tơdrong tơblăh vang sơnăm 1975 păng dôm rup tơbăt hơdăh tơdrong tơgop gĭt kăl đơ̆ng pơlei tơm HCM hăm tơdrong jang tơplĭh ‘nao păng tơdrong iŏk đei jơnei kơtang atŭm kơ lơ̆m tĕh đak lơ̆m rim tơdrong jang mŭk drăm, oei sa jŏh ayŏ, pơtho pơhrăm, khoa hŏk kmăi kmŏk; atŏk kơtang tơgoăt tơƀơ̆p dĭh băl hăm rim tĕh đak lơ̆m plei tĕh, vă pơjing rơvơn ăn rim hơnih mơdro sa lơ̆m tĕh đak păng tĕh đak đe jang hơdoi, atŏk tơ iung pơlei tơm.

Tơblơ̆ nơ̆r: Amazưt