Hop akŏm (EATOF) sơnăm ‘nâu tơklep hăm lêh tơƀăt 20 sơnăm pơ jing EATOF. Hop akŏm Khŭl jang găh chă tơmang lăng lơ̆m tơ ring Đông Á ‘noh jĭ pơgơ̆r chă tơmang lăng đei pơ jing đơ̆ng sơnăm 1999 tơ̆ dêh char Gangwon, Hàn Quốc. Hrei ‘nâu, Hop akŏm EATOF đei 10 jang lơ̆m khŭl ‘noh đei dêh char Cát Lâm (Trung Quốc), Cebu (Phi-lip-pin), Gangwon (Hàn Quốc), Luang Prabang (Lào), Quảng Ninh (Việt Nam), Siem Riep (Campuchia), Sarawak (Malaysia), Tottori (Nhật Bản), Tuv (Mông Cổ) păng Yogyakarta (Indonesia). Tơdrong tơm kơ Hop akŏm ‘noh jĭ vang jang hơdai hơtŏk tơiung anih jang kơmăy kơmŏk chă tơmang lăng kơjăp lơ̆m tơring.

Ƀok Kim Jin Tae, kơdră vei lăng dêh char Gangwon, Hàn Quốc pơma tơbăt 20 sơnăm pơjing EATOF

Hop akŏm EATOF ‘noh jĭ sơnăm ‘nâu đei hơnăn “Tơdrong tơiung ming đơ̆ng chă tơmang lăng tơring Đông Á lơ̆m khei ‘năr hmă ‘nao” tơklep hăm tơ băt 20 sơnăm pơjing hop akŏm EATOF kŭm hăm tơdrong kăl, bơ̆ jang đei ‘lơ̆ng gĭt kăl sơkơ̆t hơdăh păng pơm ‘lơ̆ng hloh tơdrong pơvei jang hơdai, jang tơbôl dôm dêh char jang lơ̆m EATOF.