Thủ tướng Phạm Minh Chính ră hơdah, jăl jang 2020-2025 jĭ jăl jang tơnap tap lơ̆m dôm tơdrong jang, mă lei, hăm tơdrong pơgơ̆r đơ̆ng Đảng, hơnơ̆ng jang kơtă noh Anih tơm Chinh trĭ, Ƀan ƀĭ thư, chĕp kơ̆l noh Tổng Bí thư, tôm anih jang chinh trĭ pơtơm pơm jang, đei iŏk lơ jơnei lơ̆m tôm tơdrong jang. 5 sơnăm kơ ou, lơ tơdrong jang pơlong đei pơtơm păng jang đei jơnei, pơlan să kơtang, nhen Tơdrong pơlong jang kăp gĭt "Jơ̆p teh đak tơguăt tơguăl, atŭm jơhngơ̆m pơlong tang găn păng tơjră đei jơnei pơrang jĭ Covid-19"; Tơdrong jang sut lê̆ hnam pơgia hnam hyah hyok keh đang hrôih hơdrol 5 sơnăm 4 khei; tơdrong pơlong dăng Trong tơlei unh hơyuh 500 kV jăl  3 Quảng Trạch - Phố Nối, Trong tơlei unh 500 kV Lào Cai - Vĩnh Yên...

Thủ tướng ră hơdah, athei pơih să dôm um rup jang hơgei, jang tơnăp vă pơjing jơhngơ̆m pran, pơlan să pơtơm tơdrong jang; mă kăl hơmet tơnăp ăn Hop akŏm Pơlong jang 'mêm kơ teh đak lơ̆m jơ̆p teh đak bơ̆n 'măng mă 11 ah khei 12 ou kơnh, tơgăl hăm tơdrong jang đei jơnei gah hơtŏk mŭk drăm – tơpôl 5 sơnăm ou ki kơ teh đak.