VOV4.Bahnar - Ƀlep ƀât ‘măng năm hơ pong tơ̆ Việt Nam đơ̆ng Kơ dră Hạ viện Ấn Độ Om Birla, drâm kơ sơ̆ 19/4, Công ty jang gre păr Vietjet pơm lêh roi tơ băt dôm trong păr ‘nao truh tơ̆ Ấn Độ, đei Hà Nội – Mumbai, plt Hồ Chí Minh- Mumbai, Phú Quốc - New Delhi păng Phú Quốc - Mumbai, tơ băt tơ drong iung jang dơ̆ng păng pơih xă tơ drong jang đơ̆ng anih jang gre păr tơ̆ tĕh đak đei truh 1,4 ti ‘nu kon pơ lei.

Lêh roi tơ băt dôm trong păr ‘nao truh tơ̆ Ấn Độ

Tơ drong roi tơ băt đei măt Kơ dră Kuô̆k hô̆i Vương Đình Huệ, Kơ dră Hạ viện Ấn Độ Om Birla, Phó Thủ tướng Lê Minh Khái vang akŏm. Dôm trong păr đơ̆ng plt Hồ Chí Minh păng Hà Nội truh tơ̆ Mumbai đei păr đơ̆ng ‘năr 2/6 păng 3/6, hăm kơ sô̆ păr 4 ‘măng vih vât păng 3 ‘măng vih vât lơ̆m rim giĕng. Trong păr Phú Quốc - Mumbai đei păr 4 ‘măng vih vât lơ̆m 1 giĕng păng trong păr Phú Quốc – New Delhi păr 3 ‘măng vih vât 1 giĕng, pơ tơm păr đơ̆ng ‘năr 8/9 păng ‘năr 9/9.

Dơ̆ng: Tơ blơ̆