Hop akŏm bơngai bơngai tang măt Đảng ƀô̆ Khul kơdră teh đak đei hơnăn: "Pơjing Đảng ƀô̆ Khul kơdră teh đak pran kơjăp; mât 1 ƀơ̆r đon, tơnăp ‘lơ̆ng hơnơ̆ng năm hơdrol găh khoa hŏk, kơmăy kơmŏk, tơplih ‘nao rơgei, tơplih hăm kơmăy sô̆; tưk jơhngâm jang tŏk, atŏk tơiung teh đak hrĕnh păng pran kơjăp lơ̆m chăl jang tŏk, pơdrŏng, gơ̆h hơgei, hơnŭk hơnoa, hiôk chơt".

Adrol kơ ‘nŏh, lơ̆m ‘năr 12/10, dôm bơngai tang măt pơma nuh, tơgop nơ̆r ăn Hla ar chih kăl kơ Hop akŏm mă XIV kơ Đảng, tơƀôh hơdăh đon pơhnŏng chinh trĭ vă bơ̆ jang dôm tơdrong jang tŏk. Hla ar chih chinh trĭ tơ̆ Hop akŏm chih hơdăh 3 tơdrong jang tơm ‘nŏh: hơmet pơ ‘lơ̆ng trong jang mŭk drăm hiôk hian kiơ̆ trong XHCN; atŏk tơiung khul bơngai jang rơgei tơklep hăm khoa hŏk – kơmăy kơmŏk păng tơplih hăm kơmăy sô̆; atŏk tơiung hrơ̆ch ‘lơ̆ng anih jang, mă loi ‘nŏh pơm trong, jang unh hơyuh, roi tơbăt. Hop akŏm pơma hơdăh nơ̆r athei hơtŏk đon năm hơdrol, pơ̆n tơchĕng, pơ̆n jang, chu pŭ hơnăp jang đơ̆ng khul kăn ƀô̆, đảng viên lơ̆m chăl ‘nao.