Pơgê hei, ‘năr 20/10, tơ̆ Hnam Quốc hội, Hop akŏm mă 10, Quốc hội jăl XV pơtơm pơih pơgơ̆r păng tơchĕng adrol vă tôch ƀât ‘năr 11/12/2025. ‘Nâu jĭ ‘măng hop akŏm mă hơtuch kơ Quốc hội jăl XV hăm năr bơ̆ jang dang 40 năr, tơchĕng adrol vă set hơlen, pơdrơ̆ng nơ̆r ăn 49 khôi luơ̆t.

Đơ̆ng rŏng nơ̆r iung pơma pơih blŭng hop akŏm đơ̆ng Kơdră Quốc hội Trần Thanh Mẫn, Quốc hội mơ̆ng Khul kơdră teh đak pơre Hla ar chih tơroi tơdrong jang đei kiơ̆ Trong jang atŏk tơiung mŭk drăm, tơpôl sơnăm 2025, 5 sơnăm 2021-2025 păng tơchĕng hơdrol trong vă jang lơ̆m sơnăm 2026. Anih Trung ương Mặt trận Tổ quốc Việt Nam pơre Hla ar chih akŏm nơ̆r tơgop đơ̆ng bơngai tăh hla păng kon pơlei gơih ăn hop akŏm. ‘Măng hop akŏm âu ưh đei pơgơ̆r apinh jet kơtăq tơ̆ hnam hôp, tơplih kơ ‘nŏh dôm bơngai tang măt gơih nơ̆r apinh hăm hla ar vă anih jang, dôm bơngai đei ƀơm truh tơl tơblang. ‘Nâu jĭ hop akŏm gĭt kăl pơtôch jăl jang, hơlen năng rim tơdỏng jang đei đơ̆ng Quốc hội jăl XV.