Lơ̆m khei năr jên mong tam mă đei pơkăp asong ming man trong tih kơdâu renh âu, atŭm hăm noh pơm kiơ̆ pơkăp asong jang lơ̆m tơpôl, Anih tơm jang gah Trong nơnăm Chơ tơmam drăm jang hadoi hăm Anih jang vei lăng kon pơlei dêh char Tiền Giang chih tơbang păng đei Phŏ Thủ tướng drơ̆ng nơ̆r pơjao ăn Anih tơm hơlen asong ming man jăl trong tih kơdâu renh pơlei tơm Hồ Chí Minh - Trung Lương - Mỹ Thuận kiơ̆ pơkăp PPP (asong jang kiơ̆ trong jang hadoi) tôm jăl trong. Kiơ̆ kơ noh, trong hơtaih pơhlom  91km, man să ăn 6-8 tong gre năm hadoi, trŏ hăm să drơh trong hlôi đei pơkăp.

Hơtuch kơ tơdrong hop akŏm, Phŏ Thủ tướng Trần Hồng Hà pơjao ăn Anih tơm jang gah Trong nơnăm Chơ tơmam drăm chih tơroi tôm tơdrong vă Ming man pơih să jăl trong tih kơdâu renh pơlei tơm Hồ Chí Minh - Trung Lương - Mỹ Thuận lơ̆m khei năr âu ki; hơlen, pơtho dôm tơring rơih anih asong ming man kiơ̆ tơchơ̆t 'nao gah asong ming man tơdrong kăl ăn tơpôl đơ̆ng năr 1/1/2025, pơkăp pơdreo mŭk drăm đei iŏk đơ̆ng đơ̆ng jên mong asong jang kơ teh đak vă ming man jăl trong tih kơdâu renh.