Vă tơgŭm bơngai jang găn hloh khei năr tơnap tap âu, Anih tơm Axong jang Việt Nam janga tŭm hăm anih pơm tơlĕch Bier Saigon lơ̆m Anih tơm Bier – Tơdrô – Đăk 'ngam Sài Gòn (SABECO) păng Trung ương Đoan Hơdruh tơdăm Cộng sản Hồ Chí Minh pơtơm Tơdrong jang “Atŭm băl pơjing Têt”, pơjao 8.000 tơpu tơmam Têt ăn bơngai jang lơ̆m jâ̆p teh đak. Tơdrong jang “Atŭm băl pơjing Têt” đei pơgơ̆r đơ̆ng năr 7 khei 1 truh năr 15/1/2023.

Kiơ̆ kơ noh, 8.000 tơpu tơmam Têt hăm kơjă  5,6 rơtăl hlj gô đei pơjao ăn bơngai jang tơ̆ 11 dêh char pơlei tơm lơ̆m jâ̆p teh đak. Rim tơpu tơmam đei kơjă 700.000 hlj đei 300.000 hlj măt păng dôm tơmam yua ăh 'năr Têt, Lơ̆m 'măng Têt truh puih mak vih, tơdrong jang “Atŭm băl pơjing Têt” oei pơtruh cham char Têt 3 tơring tơ̆ 5 dêh char pơlei tơm Hà Nội, Nghệ An, Bình Dương, Đăk Lăk, păng Long An hăm dôm tơdrong pơxuh pơchơt kră xơ̆ juăt jue păng lơ tơdrong akŏm pơchơt nai.