Găh tơdrong jang, Khul akŏm jang chă tơchĕng hơlen dôm tơdrong yan ou, pơchoh trong găh tơplih ‘nao trong chĕp pơgơ̆r păng bơ̆ jang kơ Kuô̆k hô̆i, Hơnih chep pơgơ̆r Kuôk hô̆i, rim hơnih jang kơ Kuôk hô̆i; pơm hơtŏk jang ‘lơ̆ng pơjing khôi luơ̆t, dăr lăng, tơchơ̆t rim tơdrong kăl kơ teh đak; pơgơ̆r păng iung jang pơvih pơvăn ăn kon pơlei, tơƀơ̆p pơma dơnuh hăm bơngai tăh hla, hơnih yưh liu, jang kiơ̆ kmăi kmŏk hơgei, tơgop nơ̆r hăm rim tơdrong vă jang, tơdrong jang, trong pơprŏ jang, hla bơar tơbăt bơ̆ jang kăl găh lơ̆m tơdrong chĕp pơgơ̆r, pơrô̆ jang đơ̆ng  Đảng ủy Kuô̆k hô̆i mưh pơjao păng iung jang rim tơdrong jang anai kơ yuơ kơdră kơpal pơjao ăn. Tơ̆ Hop akŏm, Khul kơdră chĕp pơgơ̆r Đảng ủy Kuôk hô̆i hlôi drơ̆ng mĭnh nơ̆r hăm hla bơar chih pơtruh ăn păng pơdrơ̆ng tơdrong tơchơ̆t pơjing Hơnih bơ̆ jang chă Tơchĕng hơlen tơdrong jang găh Đảng ủy Kuô̆k hô̆i; Hơnih bơ̆ jang chĕp pơgơ̆r Kuôk hŏi hlôi drơ̆ng mĭnh nơ̆r hăm hla bơar pơtruh ăn păng pơdrơ̆ng kiơ̆ Tơdrong tơchơ̆t pơjing Hơnnih jang Tơplih kơsô̆ găh Hơnih bơ̆ jang Kuô̆k hô̆i.