Ƀơ̆t tơbăt 105 xơnăm Kăch mạng Khei 10 Nga (7/11/1917 – 7/11/2022), pơm kiơ̆ Pơkăp đơ̆ng Anih Juăt jang Đảng Khô̆i rim anih jang Trung ương, kơsơ̆ năr 7/11, Đảng ƀô̆ Anih jang đe Kơdră teh đak pơm lêh kăp gĭt pôk Mê đai 40 xơnăm jang Đảng ăn kơ ƀok Nguyễn Xuân Phúc, jang lơ̆m Anih tơm Chĭnh trĭ, Kơdră teh đak Cộng hòa XHCN Việt Nam.

Bơngai juăt jang Ƀan ƀĭ thư Võ Văn Thưởng pôk Mê đai 40 xơnăm jang Đảng ăn Ƀok Kơdră teh đak Nguyễn Xuân Phúc

Pơma ăh jơ lêh, bơngai juăt jang Ƀan ƀĭ thư Võ Văn Thưởng xơkơ̆t, ƀok Nguyễn Xuân Phúc hlôi păng tŏk bŏk atŭm hăm Ƀan châ̆p hanh Trung ương, Anih tơm Chĭnh trĭ pơgơ̆r tôm Đảng, tôm kon pơlei păng tôm khul linh găn hloh tơnap tap, hrat hrĭn, đei iŏk jơnei kăp gĭt, hăm dôm tơdrong ang hơdăh, pơ 'lơ̆ng Đảng bơ̆n rơgoh hlăng 'lơ̆ng, kơjăp kơtang. Ƀok Võ Văn Thưởng hmach bơnê păng hơpơi 'meh Kơdră teh đak bơ̆n Nguyễn Xuân Phúc pơtoi tơgop lơ hloh dơ̆ng ăn tơdrong jang kăch mạng kơ Đảng, Teh đak păng kon pơlei.