VOV4.Bahnar - Gơ măng ‘nâu (21/3), tơ̆ Hà Nội, Trung ương Đoàn TNCS Hồ Chí Minh, Trung ương Khul druh dăm Việt Nam, Trung ương Khul ƀok thây pơ gang mơ lôh Việt Nam jang hơ doi hăm Anih tơm vei lăng jang pơ gang pơm lêh pôk pơ ư 10 ‘nu ƀok thây pơ gang mơ lôh Việt Nam rơ gei hăm hơ năn “Ƀok thây pơ gang mơ lôh hăm tơ drong jang tang găn jĭ COVID-19”. 

Đe ƀok thây pơ gang đei pôk pơ ư sơ năm ‘nâu jĭ 10 ‘nu y ƀak si mơ lôh ưh đei hlŏh 40 sơ năm, đĭ jơ hngâm hăm tơ drong jang pơ gang, đĭ jơ hngâm yoa bơ ngai jĭ, gơ̆h hơ gei, đei đon ‘lơ̆ng păng iŏk đei jơ nei ‘lơ̆ng lơ̆m tơ drong tang găn, hơ met jĭ, vei lăng bơ ngai jĭ. Mă loi jĭ lơ̆m tơ drong jang tơ gŭm yoa jơ hngâm pran tơ pôl nhen: vang jang tơ gŭm, khăm hơ met jĭ ăn bơ ngai tơ nuh. ‘Nâu jĭ đe y ƀak si mơ lôh pơ̆n tơ chĕng, pơ̆n jang, ưh hli mơ mat tat, hŭt hơ kâu vang bơ̆ jang, tơ gŭm ăn dôm hnam pơ gang, anih jang pơ gang tơ̆ tơ ring hơ tăih tăih, tơ ring mơ mat ta dêh hlŏh dăh mă lơ̆m tơ drong jang tôch krê hơ mơt ƀơm truh tơ drong tang găn jĭ COVID-19 đơ̆ng 2020 – 2021.

Dơ̆ng: Tơ blơ̆