VOV4.Bahnar - Pơ gê ‘năr 24/3, Quân ủy trung ương, Anih tơm vei lăng khŭl linh pơ gơ̆r tơ drong jang pôk pơ ư bơ ngai mơ lôh jang ‘lơ̆ng, bơ ngai mơ lôh hơ gei lơ̆m khŭl linh sơ năm 2021. 10 ‘nu bơ ngai mơ lôh jang ‘lơ̆ng, 36 ‘nu bơngai mơ lôh hơ gei lơ̆m khŭl linh đei rơ̆ih iŏk sơ năm ‘nâu ‘noh jĭ dôm bơ ngai gơh hơ gei hloh, tang măt ăn kơ hrĕng đoàn viên, hơ druh tơ dăm lơ̆m khŭl linh lơ̆m rim tơ drong jang: pơ tâp pơ hrăm, khŏm iung tơ blăh păng iung tơ blăh, hŏk pơ hrăm, tơ chĕng hơ len khoa hŏk, tơ gŭm kon pơ lei sut pơ ngot, tơ jur dơ nuh hin; tang găn tŏ ‘mi kial pơ răm, pơ rang jĭ, dŏng tơ gŭm, dŏng xar bar, joh ayŏ kơ dŏ soang, tơ plŏng kơ dâu păng jang tơ drong jang apŭng plĕnh teh. Tơ̆ tơ drong jang pôk pơ ư, tang măt Quân ủy Trung ương, Kơ dră chĕp kơ̆l Anih tơm vei lăng khŭl linh, Kơ dră Anih tơm vei lăng khŭl linh Phan Văn Giang chih iŏk păng pôk pơ ư jơ nei iŏk đei đơ̆ng sơ năm mơ lôh lơ̆m khŭl linh păng dôm bơ ngai mơ lôh jang ‘lơ̆ng, bơ ngai mơ lôh hơ gei sơ năm 2021. Pơ ma hơ dăh lơ̆m jơ nei atŭm đơ̆ng lơ̆m khŭl linh, đei tơ drong vang tơ gop tôch kơ tih đơ̆ng sơ năm mơ lôh khŭl linh.

Thuem: Tơ blơ̆