VOV4.Bahnar - Thủ tướng Phạm Minh Chính ‘nao kĭ Tơchơ̆t găh tơdrong pôk hơtŏk ƀok Y Vinh Tơr, Kơdră jang hmŏ Trung ương Đảng, Kơdră jang lơ̆m Khul kơdră chĕp pơgơ̆r Đảng dêh char, Kơdră chĕp pơgơ̆r Jơnŭm vei lăng kon pơlei dêh char, Kơdră Khul kơdră tang măt Kuô̆k hô̆i jăl XV dêh char Dak Lăk tŏk jang Kơ iĕng Kơdră kơpal, Kơ iĕng kơdră Dơnŏ anĭh vei lăng kon kông. Ƀok Y Vinh Tơr rơneh sơnăm 1976; pơlei oei dêh char Dak Lăk.

Hŏk pơhrăm bơ̆ jang ‘nŏh Thạc sĩ Vei lăng bơ̆ jang tĕh đak, Kỹ sư Lâm nghiệp. Ƀok Y Vinh Tơr bơ̆ jang đunh lơ̆m Dơnŏ anĭh Đoàn dêh char Dak Lăk păng hlôi bơ̆ jang lơ kơchư̆k phara dĭh băl tơ̆ rim hơnĭh bơ̆ jang lơ̆m dêh char Dak Lăk. Tơ̆ Pơm lêh hop akŏm Kơdră tang măt lơ̆m tĕh đak ‘măng mă XIII kơ Đảng, ƀok Y Vinh Tơr đei pôk pơm Kơdră jang hmŏ Trung ương Đảng. Đơ̆ng khei 3/2021 - 6/2021, ƀok jang Kơ iĕng Kơdră chĕp pơgơ̆r Jơnŭm vei lăng kon pơlei dêh char Dak Lăk. Đơ̆ng khei 7/2021-6/2022, ƀok ‘noh Kơdră chĕp pơgơ̆r Jơnŭm vei lăng kon pơlei dêh char Dak Lăk; Kơdră tang măt Kuô̆k hô̆i XV păng Kơdră chĕp pơgơ̆r Khŭl kơdră tang măt Kuô̆k hô̆i dêh char Dak Lăk.

Tơblơ̆ nơ̆r: Amazưt