Pơma ah hop akŏm, Thủ tướng Phạm Minh Chính akhan, bơngai jang lơ̆m jơnŭm pơgơ̆r tơ̆ minh ƀar tơring mă hlôi đei hơmet tôm mă lei tam mă tơpă sơđơ̆ng; kan ƀô̆, bơngai jang adoi tam mă kloh klĕch gah tơdrong jang, mă kăl noh gah jang gah groi teh, ming man, kơ̆ng ngê̆ thŏng tin. Khei năr truh, Thủ tướng pơgơ̆r hăm rim anih jang pơtoi chih pơkeh tơchơ̆t pơm jang. Keh đang jơnŭm pơgơ̆r, bơngai jang, pơgơ̆r Anih tơm Nô̆i vŭ dah pơkăp tơdrong jang ăn jơnŭm pơgơ̆r 2 tăl, mă kăl noh tơ̆ dôm anih jang, vei sơđơ̆ng trŏ ƀlep tơtom.

Thủ tướng Phạm Minh Chính hơpơi 'meh tôm jơnŭm jang hanh chĭnh teh đak pơtoi hơdrin, tơnăp, tơguăt tơguăl, tơnăp hăm sơnong jang, hơbĕch hơbal, hơ-'nhăk tơdrong pơkăp jang jơnŭm pơgơ̆r 2 tăl tơpă pơm jang đei jơnei, tơgop kăp gĭt lơ̆m tơdrong pơjing trong jang hanh chĭnh 'nao rơgei 'lơ̆ng, pơm jang kơyuơ kơ kon pơlei, kơyuơ kơ teh đak.