VOV4.Bahnar - Pơgê năr 20/7, tơ̆ dêh char Vĩnh Phúc, Jơnŭm lý luận Trung ương pơgơ̆r blŭng a ‘Măng hop akŏm mă Puăn jăl jang 2021-2026. Ƀok Nguyễn Xuân Thắng, Kơdră jang lơ̆m Dơnŏ anĭh tơm Chĭnh trĭ, Kơdră chĕp pơgơ̆r Jơnŭm Lý luận Trung ương, Kơdră chĕp pơgơ̆r Học viện Chính trị Quốc gia Hồ Chí Minh pơm tơm hop akŏm. Hop akŏm pơma dơnŭh, tơgop nơ̆r lơ̆m Pêng tơdrong chĭh tơbăt bơ̆ jang tơgŭm ăn đơ̆ng jơnŭm, tơgop tơgŭm hơmet ăn ‘Măng hop akŏm Trung ương 6 jăl 13, gô đei pơgơ̆r lơ̆m khei 10 kơnh, đei: Mĭnh ƀar tơdrong trong jang yan au hlŏh 15 sơnăm jang kiơ̆ Tơdrong tơchơ̆t Trung ương 5 jăl 10 găh hơnơ̆ng tơplih ‘nao trong chĕp pơgơ̆r đơ̆ng Đảng hăm bơ̆ jang kơ khŭl jang chĭnh trĭ; Mĭnh ƀar tơdrong tơ iung pơjing păng pơm pơkeh Tĕh đak pháp quyền Xã hội Chủ nghĩa Việt Nam trŭh sơnăm 2030, lăng trŭh sơnăm 2045; Mĭnh ƀar tơdrong jang yan au găh trong tơlĕch bơ̆ jang Kmăi kmŏk hơgei kơ tĕh đak trŭh sơnăm 2030, lăng trŭh sơnăm 2045. Ƀok Nguyễn Xuân Thắng athei rim kơdră tang măt, rim bơngai joăt jang akŏm chă pơma dơnŭh, tơgop nơ̆r lơ̆m rim hla bơar chĭh tơbăt hăm hơnăp jang kơtang, iŏk ‘nŏh pơm trong jang kăl vă pơm pơkeh pêng hla bơar tơbăt bơ̆ jang tơgŭm pơtrŭh ăn Dơnŏ anĭh tơm Chĭnh trĭ, Ban Bí thư, tơtom tơgŭm ăn Hop akom Trung ương 6 jăl 13.

Tơblơ̆ nơ̆r: Amazưt