Truh akŏm păng iung pơma ah jơ lêh, Bơngai jang lơ̆m Hơnih tơm Chinh trĭ, Kơdră Hơnih jang Tơchơ̆t tơgŭm Trung ương Nguyễn Thanh Nghị thơ thou hơ-iă hăm dôm bơngai đei pôk hơpah; ră hơdah, đe sơnăm mơlôh jing tơdrong tơm pơlan să tơdrong kăp gĭt, tơdrong nhan lăp ăn đe sơnăm mơlôh lơ̆m hŏk pơhrăm, chih hơlen, pơm jang, tơplih 'nao gơh hơgei, pơm tơm khua hŏk trong jang 'nao, pơ̆n tơchĕng pơ̆n pơm jang păng plang kơyuơ tơdrong pơyua ăn teh đak, ăn kon pơlei.

Đơ̆ng 145 hô sơ đơ̆ng 37 hơnih jang, Jơnŭm Pôk hơpah hơlen kiơ̆ 2 'măng rơih hơlen trư̆k tuyê̆n hlôi rơih đei 10 'nu hơgei hloh. Rim 'nu adoi pơtruh tơdrong tơroi pơlan să kăp gĭt, ưh hơdrô̆ gơh hơgei, pôk plang mă oei vang jang vei lăng, pơlan să tơdrong hlôh vao păng hơtŏk hơnăn Việt lĕch truh hăm apŭng plenh teh.