Pơgê năr 18/1, tơ̆ Đền thượng-Hơnih soi tơbăt rim Ƀok pơtao Hùng lơ̆m hơnih Cham să Gĭt kăl dăr sơnăm hơdrĕch hơdrung Pơlei tơm, Dơnŏ anih Đảng, Jơnŭm vei lăng kon pơlei, Dơnŏ anih vei lăng kon pơlei, Dơnŏ anĭh Mặt trận Tổ quốc Việt Nam pơlei tơm HCM pơgơ̆r Pơm lêh glơng soi tơbeh ƀĕng tek ăn Ƀok dơnơm Hùng Vương ƀlep lơ̆m jơ ‘năr Têt Nguyên Đán 2023.

‘Nau jing tơdrong pơgơ̆r joăt joe rim sơnăm đei pơlei tơm HCM pơgơ̆r lơ̆m jơ ‘năr Têt Nguyên đán, tơƀô̆h tơbăt hơdăh tơdrong joăt joe hơdrĕch hơdrung kơ kon pơlei Nam Bộ. Đơ̆ng nŏh tơƀô̆h hơdăh jơhngơ̆m đon nhă đak chăm kơ tu păng hôn bơnê tôch bach hăm rim ƀok pơtao Hùng, rim ƀok yă hlôi plang jơhngơ̆m đon ăn tơ iung pơjing păng vei lăng teh đak. Đơ̆ng rŏng pơm lêh glơng soi tơbĕh ƀĕng tek ăn Ƀok dơnơm Hùng Vương, khul kơdră tang măt ăn Dơnŏ anih Đảng, Jơnŭm vei lăng kon pơlei, Dơnŏ anih vei lăng kon pơlei, Dơnŏ anĭh Mặt trận Tổ quốc Việt Nam pơlei tơm HCM hlôi năm hơpong, soh hlôt nhang tơ̆ Đức Lễ Thành hầu Nguyễn Hữu Cảnh.