VOV4.Bahnar - Pơgê năr 20/7, pơlei tơm Hồ Chí Minh hlôi hơpăh hăt hot 150 trĭu hlak jên ăn Nguyễn Việt Phong hŏk tro lăm 12, hnam trương jăl pêng chuyên Lê Hồng Phong, 1 lơ̆m 4 ‘nu hŏk tro iok đei mê đai măih tơ̆ ‘măng pơlong Olimpic Hoá học apŭng plĕnh tĕh sơnăm 2022. Ƀok Nguyễn Văn Hiếu, Kơdră chĕp pơgơ̆r Dơnŏ anĭh vei lăng Hnam trương pơtho pơhrăm pơlei tơm Hồ Chí Minh tơbăt, đunh bơih pơlei tơm Hồ Chí Minh ‘nao đei hŏk tro iok đei jơnei lơ lau.’nau jing tơdrong hơdrin đơ̆ng ŏh adoi nhen ŭnh hnam, hnam trương păng ƀok thây kô hlôi pơtho pơjing đei gơ̆h hơgei. Ƀok Hiếu ‘mĕh vă Nguyễn Việt Phong hơnơ̆ng hơdrin hlŏh dơ̆ng vă iŏk đei ƀlep hăm jơhngơ̆m đon hơpơi ‘mĕh vă, vang tơgop lơ hlŏh dơ̆ng ăn pơlei tơm păng tĕh đak. Nguyễn Việt Phong ‘noh mĭnh lơ̆m dôm hŏk tro mă blŭng iŏk đei kon jên hơpăh kơ jă kơ jên 200 trĭu hlak jên ăn kơ hŏk tro, hŏk viên iŏk đei mê đai măih lơ̆m rim ‘măng pơlong Olympic apŭng plĕnh tĕh. ‘Măng pơlong Olympic Hoá học apŭng plĕnh tĕh (IChO) 2022 đei pơgơ̆r tơ̆ Trung Quốc. Khŭl tĕh đak Việt Nam đei 4 ‘nu vang pơlong. Păng pơ đĭ 4 ‘nu ŏh iŏk đei mê đai măih ngăl.

Tơblơ̆ nơ̆r: Amazưt