VOV4.Bahnar - Pơgê năr 7/10, Khŭl kon pơlei chŏh jang sa kơ pơlei tơm Hồ Chí Minh pơgơ̆r pôk pơ ư 28 ‘nu kon pơlei jang sa hơgei kơ yuơ tơgop kơtang ăn tơdrong atŏk tơ iung chŏh jang sa pơlei tơm, tơ iung pơjing tơring’nao.

Pơm lêh pôk pơ ư 28 ‘nu kon pơlei jang sa hơgei

Atŭm hăm 28 ‘nu kon pơlei jang sa hơgei păng 30 tơmam drăm chŏh jang sa ‘lơ̆ng đei pôk pơ ư, pôk hơpăh, jơ ‘năr au, pơlei tơm HCM oei đei ƀô̆h kang bang kơ̆l đơ̆ng lơ kon pơlei jang sa gơ̆h đei tơmam drăm chŏh jang sa ‘lơ̆ng, pơjing đei hơyak pran găh tơdrong ‘lơ̆ng “Kon pơlei chŏh jang sa ‘nao”. Tơ̆ cham Hnam jŏh ayŏ kơdŏ soang Hơdrŭh tơdăm pơlei tơm HCM đei 124 hơdrơ̆r pơdă tơmam drăm găh chŏh jang sa nhen: pơkao, ‘long pơrŏ, ‘nhot sa, pơmau, tơmam drăm tăh ‘nŭng, hơdrĕch, phŏng, tơmam drăm pơyua ăn chŏh jang sa ... atŭm hăm kơhrĕng tơmam drăm chŏh jang sa tơm, tơmam drăm OCOP ‘lơ̆ng, rơgŏh hăm cham char.

VOV/Amazưt tơblơ̆ nơ̆r