VOV4.Bahnar - Pơ gê ‘năr 7/4, dêh char Quảng Trị pơ gơ̆r lêh soh nhang tơ băt 115 sơ năm năr rơ neh kơ Tổng Bí thư Lê Duẩn (07/4/1907-07/4/2022) păng tơ lĕch jang pơm hơ met ming Hơ nih ƀlŏk hơ dơ̆r kơ Tổng Bí thư Lê Duẩn. Vă hơ tŏk ‘lơ̆ng tơ drong kăp gĭt joh ayŏ, hơ năp jang, dôm tơ drong plang jơ hngơ̆m tih tên đơ̆ng  Tổng Bí thư Lê Duẩn hăm Đảng păng kach mang, Khŭl kơ dră teh đak, rim anih tơm, anih jang Trung ương hlôi bơ ngơ̆t truh tơ mơ̆t jên jang ming man Hơ nih ƀlŏk hơ dơ̆r kơ Tổng bí thư Lê Duẩn tơ̆ pơ lei pơ la ƀok tơ̆ plei Hậu Kiên, xăh Triệu Thành, apŭng Triệu Phong, dêh char Quảng Trị. Hơ nih ‘nâu jing gĭt kăl chĕp vei hơ năn bơ ngai hơ gei kơ dêh char Quảng Trị, jĭ hơ nih ƀrê pơ tho pơ hrăm joăt joe ‘mêm kơ teh đak, kach mang rim jơ hnơr păng jing hơ nih tơ chă truh chă hơ len đơ̆ng bôl buăl apŭng plĕnh teh. Dêh char Quảng Trị hlôi kĭ ăn Tơ drong jang vei răk, pơm hơ met ming hơ nih ƀlŏk hơ dơ̆r kơ Tổng Bí thư Lê Duẩn hăm akŏp kơ sô̆ jên pơm ‘noh 45 ti hlak jên. Hơ nih âu đơ̆ng rŏng kơ pơm đang vei sơ đơ̆ng ‘lơ̆ng thoi so, ưh kơ pơm tơ plih bơ̆n tơ mam kŭm nhen hơ nih yua, kơ jă kăp gĭt đei đơ̆ng hơ drol.

Thuem: Tơ blơ̆