Pơm lêh hop akŏm pơgơ̆r lơ̆m 2 năr (28 păng 29/11). Hop akŏm đei vang năm đơ̆ng 1.091 ‘nu bơngai tang măt. Hăm hơnăn “Kiơ̆ kơjăp-Hơnăp jang ‘lơ̆ng-tơgoăt tơgoăl-atŏk tơ iung”, tơ̆ Hop akŏm au, Khŭl chĕp pơgơ̆r Lui Phật giáo Việt Nam pơgơ̆r hop akŏm pơtôch bơ̆ jang, lăng hơlen dôm tơdrong jơnei lơ̆m lui phật jăl sơnăm 2017-2022; pơchŏh trong bơ̆ jang lui phật, trong jang kăl atŏk tơ iung Khŭl lui Phật lơ̆m 5 sơnăm trŭh au kơnh kơ jăl sơnăm 2022-2027.

Pơm lêh hop akŏm mă IX gô pơgơ̆r pôk hơtŏk Đức pháp chủ păng Khŭl chĕp pơgơ̆r; pôk tơmơ̆t Kơdră chĕp pơgơ̆r păng Khŭl vei lăng jăl sơnăm 2022-2027, hơmet pơ ‘lơ̆ng tơdrong trŏ lăp; hơmet ming Tơdrong pơkăp; pôk pơ ư rim khŭl, viện Trung ương, khŭl chĕp pơgơ̆r păng rim bơngai lui phật.