VOV4.Bahnar - Hơnơ̆ng pơgơ̆r Pơm lêh hop akŏm kơdră tang măt Drŏ kăn lơ̆m tĕh đak ‘măng mă 13, kơsơ̆ brei năr 10/3, hlôi pơgơ̆r Hop akŏm Khŭl kơdră chĕp pơgơ̆r Trung ương Khŭl drŏ kăn Việt Nam jăl 13 ‘măng mă blŭng, jăl jang 2022 – 2027. Hop akŏm đei rim kơdră tang măt ăn rim Hơnĭh bơ̆ jang Đảng Trung ương păng 132 lơ̆m 155 ‘nu Kơdră jang lơ̆m Dơnŏ anĭh chĕp pơgơ̆r vang năm ( jơnei 85%). Hop akŏm hlôi pơma dơnŭh găh trong tơ iung pơjing Tơdrong Khŭl kơdră chĕp pơgơ̆r, găh Rơ̆ih tơchă Kơdră chĕp pơgơ̆r, Kơ iĕng Kơdră chĕp pơgơ̆r Khŭl drŏ kăn Việt Nam jăl 13, jăl jang 2022 – 2027. Tơ̆ Hop akŏm, đĭ đăng kơdră jang lơ̆m Khŭl kơdră chĕp pơgơ̆r hlôi pơdrơ̆ng kiơ̆ hơnăn 31 ‘nu kơdră tang măt đei pôk tơmơ̆t lơ̆m Khŭl kơdră chĕp pơgơ̆r Trung ương Khŭl drŏ kăn Việt Nam jăl 13. Đĭ đăng kơdră jang lơ̆m Khŭl kơdră chĕp pơgơ̆r hlôi pơdrơ̆ng kiơ̆ pôk tơmơ̆t yă Hà Thị Nga, Kơdră jang lơ̆m Trung ương Đảng, Kơdră tang măt Kuô̆k hô̆i jăl XV, Kơdră chĕp pơgơ̆r Khŭl drŏ kăn Việt Nam jăl 12 pơm Kơdră chĕp pơgơ̆r Khŭl drŏ kăn Việt Nam jăl 13.

Tơblơ̆ nơ̆r: Amazưt