VOV4. Bahnar - Pơgê năr 14/1, tơ̆ Hà Nôị, Khŭl bơngai ‘lŏ kră Việt Nam pơgơ̆r Pơm lêh Hop akom ‘măng mă 6, jăl jang 2021-2026. Dôm sơnăm au ki, tơdrong jang “Sơnăm ‘lŏ kră-Yŭk trong hơlau” hlôi hơvơn đei kơ trĭu ‘nu bơngai ‘lŏ kră vang jang; hlôi đei 650.000 ‘nu bơngai ‘lŏ kră vang bơ̆ jang tơpôl tơ̆ tơring nhen: Bí thư chi bộ, Kơdră chĕp pơgơ̆r Koeng kơphô̆, Khŭl xek tơlang, bơ̆ jang Măt trân păng rim khŭl jang anai tơgop tơ iung pơjing khŭl jang chĭnh trĭ tơ̆ tơring pran kơ jăp. Iung pơma tơ̆ hop akŏm, Kơ iĕng Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, tơdrong băt hlô̆h jơhngơ̆m đon Ƀok Hô hơnơ̆ng pơtho khan ăn rim bơngai,.. Đơ̆ng nŏh, rim kang ƀô̆, bơngai mơ̆t đảng, kang ƀô̆ kăl kŭp yom hăm đe kră. Athei Khŭl Bơngai ‘lŏ kră hơnơ̆ng tơplĭh ‘nao trong bơ̆ jang, krao akŏm lơ hlŏh dơ̆ng bơngai lơ̆m khŭl vang iung jang ‘măng pơlong “Sơnăm ‘lŏ kră-Yŭk trong hơlau”.

Tơblơ̆ nơ̆r: Amazưt