VOV4.Bahnar - Lơ̆m hop akom đe Hơ iŏh gơ̆h hơgei rim hơdrung lơ̆m tĕh đak ‘măng mă 4, pơgê 23/9, tơ̆ Hà Nội, Trung ương Đoàn Hơdrŭh tơdăm Kŏng san Hồ Chí Minh, Khŭl Đội Trung ương pơgơ̆r Pơm lêh pôk pơ ư “ Hơ iŏh gơ̆h hơgei rim hơdrung lơ̆m tĕh đak ‘măng mă 4 sơnăm 2022”.

Ƀok Trần Tuấn Anh vang năm Pơm lêh Pôk pơ ư “Hơ iŏh gơ̆h hơgei rim hơdrung lơ̆m tĕh đak ‘măng mă 4 sơnăm 2022

263 ‘nu hơ iŏh gơ̆h hơgei kơ 54 hơdrĕch hơdrung đei pôk pơ ư păng tŏk sơng iŏk Hla bơar pôk bơnê đơ̆ng Khŭl Kơdră chĕp pơgơ̆r Trung ương Đoàn. ‘Nau jing dôm đô̆i viên, hơ iŏh rim hơdrung hŏk pơhrăm hơgei, oei sa ‘lơ̆ng, tơnăp lơ̆m tơdrong jang đô̆i; tơnăp vang iung jang rim tơdrong pơgơ̆r pơchơt pơ hiơ̆, rim tơdrong pơgơ̆r tơchă băt hlô̆h ƀô̆h hơdăh vei răk tơƀăk mong tơdrong oei sa joăt joe ‘lơ̆ng rŏ kơ hơdrĕch hơdrung kơ yuơ Khŭl Đội Trung ương tơlĕch ăn. Mă kăl, rim đe ŏh ‘nŏh ư̆h khan lăp đe hŏk tro hơgei lơ̆m lơ sơnăm, mă lei oei iŏk đei tơmam hơpăh gĭt kăl lơ̆m rim ‘măng pơlong dơ̆ng.

Tơblơ̆ nơr: Amazưt