Kơdră chĕp pơgơ̆r Teh đak Nguyễn Xuân Phúc vang năm chơt hơ iă atŭm hăm rim jơhnơr bơngai jŏ ayŏ kơdŏ soang kơ hnam jŏh hơri au.

Tơ̆ jơ pơm lêh tơbăt, Kơdră chĕp pơgơ̆r Teh đak Nguyễn Xuân Phúc pôk ăn Mê đai jang pran kơtang dơ̆ng mă pêng ăn tơpôl hnam jŏh hơri păng kơdĭh Nghệ sĩ Ưu tú Nguyễn Xuân Bắc. Ƀlep lơ̆m jơ ‘năr au, hnam joh hơri hlôi pơgơ̆r jŏh hơri gĭt kăl khei 12, pơgơ̆r pơm tông ‘lơ̆ng hơ iă tojê̆ au ‘nŏh rim tơdrong pơm tông: Gơmăng krŏng, Kiều, Jơhngơ̆m pơ-ang, Hơbŭt hơbang Trường Sơn, Tơdrong uơ oei, Bơngai lơ̆m jơhngơ̆m đon, Bơngai ‘lơ̆ng hnam kơsô̆ 5, Pơyô hơdruh ‘lơ̆ng. ‘Nau rim tơdrong pơm tông tơbăt ăn chăl sơnăm, tơdrong tơblăh vang kĕch mang dĭng trŭh dôm tơdrong đei ƀôh gĭt kăl hrei au, sơkơ̆t hơdăh tơdrong tơplĭh ‘nao kơtang lơ̆m chăl ‘nao kơ hnam jŏh hơri.