Tơ̆ pơm lêh tơbăt, Kơdră chĕp pơgơ̆r Kuô̆k hô̆i Trần Thanh Mẫn pơma hơdăh, 80 sơnăm - mĭnh jăl trong ‘lơ̆ng rŏ, mă lei jei jơ ‘năr blŭng ăn jăl trong ‘nao. Teh đak yak mơ̆t lơ̆m chăl atŏk tơ iung hăm hơdrin đĭ ai, hơpơi ‘meh vă tơ iung pơjing teh đak pơdrŏng, gơh hơgei, hơnŭk hơnoa; tơ iung pơjing Đảng tơpă rơgoh ‘lơ̆ng, pran kơtang; đei jơhngơ̆m đon ‘lơ̆ng, oei sa hơ iă. Kơdră chĕp pơgơ̆r Kuô̆k hô̆i lui akhan: tơpôl kơdră chĕp pơgơ̆r, kang ƀô̆, đang viên, bơngai jang kơ Hơnih pơm tơlĕch kơsơp hla bơar Chính trị quốc gia Sự thật hơnơ̆ng kiơ̆ yok rok jơ̆ng joăt joe tơgoăt tơgoăl pôm nơ̆r, tơplih ‘nao, tơchăr hơgei, bơ̆ jang keh đang ‘lơ̆ng tơdrong jang đei pơjao, tơgop kơtang lơ̆m bơ̆ jang tơ iung pơjing Đảng păng tơdrong jang tơ iung pơjing păng vei lăng kơjăp iăp kơtang Teh đak Việt Nam xã hội chủ nghĩa.