VOV4.Bahnar - Pơgê năr 6/4 (‘nŏh jing năr 6/3 âm lĭch), tơ̆ Hơnĭh soi tơbĕh Đức Quốc Tổ Lạc Long Quân hăm Hơnĭh soi tơbĕh Mẫu Âu Cơ găh lơm Hơnĭh gru gra gĭt kăl dăr sơnăm Đền Hùng, pơlei tơm Việt Trì, Dơnŏ anĭh Đảng, Kơdră chĕp pơgơ̆r păng kon pơlei dêh char Phú Thọ tang măt ăn kon pơlei, Ƀô̆ đô̆i kŏng ang, kon pơlei oei tơ̆ tĕh đak đe pơgơ̆r pơm lêh yôk Đức Quốc Tổ Lạc Long Quân păng soh hlôt nhang tơbăt ăn Tổ Mẫu Âu Cơ.

Pơm lêh yôk Đức Quốc Tổ Lạc Long Quân păng sŏh hlôt nhang Tổ Mẫu Âu Cơ tơ̆ Phú Thọ đei pơgơ̆r tôch gĭt kăl kiơ̆ ‘moi tơdrong joăt, sơđơ̆ng tang găn jĭ hơbŭh Covid-19. Hăm tơdrtong joăt “Nhă đak chăm kơtu”, ƀlŏk hơdơ̆r hôn bơnê kơ mĕ ƀă yă ƀok ‘nŏh tơdrong joăt joe kơ hơdrĕch hơdrung bơ̆n.

Ƀlŏk hơdơ̆r kơ Đức Quốc Tổ Lạc Long Quân hăm mẫu Âu Cơ hlôi pơjing groi tĕh ăn hơdrĕch hơdrung, tơ iung pơjing hơyak pran ăn tơdrong atŏk tơ iung kơ hơdrĕch hơdrung tĕh đak đơ̆ng rŏng au. Kon sau ling lang hôn bơnê tơdrong tơgop tih tên đơ̆ng đức quốc tổ Lạc Long Quân păng rim mĕ ƀă yă ƀok hlôi pơjing tĕh đak.