VOV4.Bahnar – Năr 14/10, tơ̆ Hải Phòng, Anih jang chih akŏm Tơdrong kăl apŭng plenh teh tơ̆ Việt Nam (IDG Việt Nam) jang atŭm hăm Jơnŭm Tơroi tơbăt kơsô̆ Việt Nam pơgơ̆r Pơma đam găh Jơnŭm pơgơ̆r kơsô̆ 2022 hăm hơnăn “Um rŭp kŏng yân sô̆, đăi hŏk sô̆, pơm jang logistics, hơtŏk iŏk yua tơdrong chih akŏm tơring kon pơlei oei xa, găh teh păng trong jang hơtŏk tơplih kơsô̆ kơ teh đak”.

Tơ̆ pơma đam, rim bơngai juăt jang hlôi tơroi găh tơdrong chih akŏm tơring oei xa, xơkơ̆t hơnăn păng xơkơ̆t điê̆n tưh, trong jang kŏng yâ̆n sô̆, đăi hŏk sô̆, tĕch pơdro sô̆...; tơroi kơ dôm trong jang tơroi tơbăt 'nao hloh vă hơtŏk mŭk drăm ksô̆, tơpôl sô̆, pơkăp tơplih kơsô̆ lơ̆m teh đak jăl xơnăm 2022-2025. Jơnŭm pơgơ̆r hlôi pôk hơpăh ăn dôm Kơdră tơplih kơsô̆ jang rơgei 2022 (CDO Awards). Ƀơ̆t 'măng âu, pơlei tơm Hải Phòng hlôi tơbang Cổng thŏng tin găh teh pơlei tơm. Hăm tơdrong kăl âu, kŏng yâ̆n, anih jang mŭk drăm lơ̆m tơring Hải Phòng gơh hơlen trư̆k twê̆n, tơrĕk hăm dôm kơtơ̆ng ang kăp gĭt găh um la kak, tơroi găh teh, tơdrong axong Hla bar pơkăp yua teh... đơ̆ng anih jang, unh hnam gơh ƀônh ƀŏ hloh.

VOV/Lan tơblơ̆