‘Năr 24/6/1967, teh đak Việt Nam Dân chủ Cộng hòa (dang ei ‘noh CHXHCN Việt Nam) păng teh đak Campuchia pơtơm pơjing tơdrong jang tơbôl, pơih đei 1 chăl ‘nao lơ̆m jơhnơr arih 2 teh đak. Hloh 1 puăt anglŏ sơnăm hloh bơih, Kon pơlei Việt Nam păng Kon pơlei Campuchia ling lang hơdai băl, tơgŭm băl lơ̆m tơdrong jang iung tơblăh iŏk rơngei hơdrĕch hơdrŭng, vei lăng teh đak kŭm nhen lơ̆m tơdrong jang pơjing păng hơtŏk tơiung teh đak.

Kŭm hăm trong vă jang “ tơjê̆ ‘lơ̆ng hơiă, tơbôl joăt joe, jang hơdai tôm tơdrong, kơjăp đunh đai”, tơdrong pơvei Việt Nam - Campuchia hlôi ưh kơ pơdơh đei hơmet ming păng hơtŏk tơiung lơ̆m rim tơdrong jang, hơnhăk ăn đei yua hơdăh ‘lơ̆ng ăn Kon pơlei 2 teh đak, tơgop ‘lơ̆ng lơ̆m tơdrong rơngei, sơđơ̆ng, jang hơdai tơ̆ tơring păng lơ̆m apŭng plĕnh teh.