‘Nâu jĭ Hop akŏm mă blŭng đơ̆ng 2 Grŭp nghị sỹ jang tơbôl, 2 Kuôk hô̆i lơ̆m jăl jang Kuôk hô̆i jăl XV kơ Việt Nam.

Tơ̆ hop akŏm, bơngai tang măt 2 teh đak akŏm pơma dơnuh, tơroi tơdrong hlôh vao găh hơnăp jang đơ̆ng Kuôk hô̆i lơ̆m tơiung ming păng hơtŏk tơiung mŭk drăm - tơpôl; Jang hơdai đơ̆ng Việt Nam păng Campuchia lơ̆m hơtŏk tơiung mŭk drăm, joh ayŏ, tơmang lăng; jang hơdai tơring đak krong Mê Kông. Dôm bơngai tang măt kŭm akŏm pơma dơnuh dôm trong jang hơtŏk loi dơ̆ng jang hơdai đơ̆ng Anih jang pơjing khôi luơ̆t 2 teh đak păng đơ̆ng Grŭp Nghị sĩ tơbôl 2 teh đak, tơgop pơtrŭt tơdrong pơvei jang hơdai Việt Nam - Campuchia ‘lơ̆ng hơiă hloh păng đei yua lơ̆m rim tơdrong jang.