VOV4.Bahnar - Pơtôch ‘măng bơ̆ jang hăm Kơdră chĕp pơgơ̆r dêh char Khánh Hoà au ki, Thủ tướng Phạm Minh Chính pơma hơdăh, Khánh Hoà kăl pơjing rơvơn ‘nao vă hơvơn tĕh đak đe vang tơmơ̆t jên jang păng lăng kơ jăp pơprŏ jang, tơ iung pơjing achon dơsĭ Trường Sa jing hơnĭh tơm jang mŭk drăm, oei sa jŏh ayŏ, tơpôl tơ̆ đak dơsĭ, dur kơ jăp vei lăng năng tông pơm tơngla achon dơsĭ.

Thủ tướng Phạm Minh Chính

Thủ tướng pơkă kơ jăp tơdrong pơ prŏ jang tơ iung pơjing apŭng achon dơsĭ Trường Sa jing tơring tơm jang mŭk drăm jŏh ayŏ, tơpôl tơ̆ đak dơsĭ kơ tĕh đak păng jing dur kơ jăp iăp kơtang vei lăng pơm tơm tơngla achon đak dơsĭ kơ Tĕh đak. Tơdrong au kăl jang keh đang hrôih roi ‘lơ̆ng păng lăp đơ̆ng rŏng pơ prŏ kăl iŏk đei mŭk drăm vă iung jang, ƀơ̆t măt tơmơ̆t jang kơtang ăn tơdrong jang ka hơdang tơ̆ au; hơnơ̆ng chă pơrô̆ hơvơn kon pơlei vang iung jang atŏk tơ iung mŭk drăm-tơpôl, oei sa jŏh ayŏ, sơđơ̆ng erĭh sa đunh đai tơ̆ apŭng achon dơsĭ, kiơ̆ ƀlep trong bơ̆ jang, khôi luơ̆t kơ Đảng, Tĕh đak, ‘moi kiơ̆ khôi luơ̆t Apŭng plĕnh tĕh, mă kăl Tơdrong pơkăp Liên Hợp quốc găh Khôi luơ̆t Đak dơsĭ (UNCLOS) sơnăm 1982.

Tơblơ̆ nơ̆r: Amazưt