Pơtôch Hop akŏm bơngai tang măt Đảng ƀô̆ Khul linh 'măng mă 12, jăl jang 2025-2030
Thứ sáu, 08:34, 03/10/2025
Lan chih tơblơ̆
Lan chih tơblơ̆
VOV.Bahnar – Đơ̆ng rŏng 4 năr pơm jang hăt hot, tơnăp hăm pơkăp “Tơguăt tơguăl – Hiôk hian – Pơkăp sơđơ̆ng – Jang kơtang – Hơtŏk tơ-iung” păng sơnong jang kăl, pơgê năr 2/10, tơ̆ Hnam akŏm kơ Anih tơm vei lăng Khul linh, Hop akŏm bơngai tang măt Đảng ƀô̆ Khul linh 'măng mă 12, jăl jang 2025-2030 hlôi keh đang tôm tơdrong tơlĕch jang păng hop akŏm pơkăp pơtôch.
Pơma pơtôch Hop akŏm, Tổng Bí thư Tô Lâm, Ƀĭ thư Kuân uy Trung ương ră hơdah, dôm tơchơ̆t mă Hop akŏm hơlen jing tơlĕch trong jang kăp gĭt vă Đảng ƀô̆ Khul linh păng tôm anih jang linh hơdrin pơjing Đảng ƀô̆ Khul linh hlăng 'lơ̆ng hơƀăp, kơjăp kơtang tôm tơdrong, gơh hơgei, pơjing khul linh kon pơlei kăch mạng hơbĕch hơbal, hơtŏk jơhngơ̆m pran vei lăng teh đak, vei kơjăp tơdrong pơgơ̆r kơdih tôm tơring teh kơ teh đak Việt Nam xah hô̆i chu nghia, tơgop pơjing teh đak rơngei, pơdrŏng, gơh hơgei, kơjăp yak tŏk kiơ̆ pơkăp chu nghia xah hô̆i.
Viết bình luận