Pơtôch jâ̆p teh đak tơdrong Pơlong bơngai pơtho lĭ luâ̆n chĭn trĭ rơgei xơnăm 2022
Thứ năm, 14:59, 15/12/2022
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar - Pơgê năr (14/12), tơ̆ pơlei tơm Đà Lạt, Anih jang twên yăo Trung ương pơgơ̆r, jang hadoi hăm Anih jang đảng dêh char Lâm Đồng pơgơ̆r Pơtôch tơdrong Pơlong bơngai pơtho lĭ luâ̆n chĭn trĭ rơgei jâ̆p teh đak xơnăm 2022.
Vang năm pơlong đei 38 'nu đei hơpăh kơjung hloh tơ̆ dêh char, pơlei tơm jing dôm bơngai pơtho rơgei tang măt ăn kơ rơbâu kang ƀô̆, bơngai pơtho tŏk bŏk oei pơm jang tơ̆ dôm hnam trưng chĭn trĭ jâ̆p teh đak.
Pơma ăh 'măng pơtôch, ƀok Trần Thanh Lâm, Phŏ Kơdră Anih twên yăo Trung ương xơkơ̆t, pơlong vă xơkơ̆t tơdrong rơgei hăm bơngai kơ hnam trưng chĭn trĭ tơ̆ apŭng. Kiơ̆ đơ̆ng noh, pơtruh nơ̆r hăm anih jang kơpal dôm trong jang trŏ ƀlep, đei jơnei, pơm tơplih kăp gĭt, hơtŏk pơ 'lơ̆ng tơdrong pơtho chĭn trĭ duh nhen pơm trŏ tơdrong pơkăl lơ̆m pơm jang kăch mạng lơ̆m jăl 'nao dang ei.
Viết bình luận