Pơ ma pơtôch, Kơdră Kuôk hô̆i Vương Đình Huệ pơma hơdăh, pơtăl dơ̆ng păng hơtŏk jơnei ‘lơ̆ng hơiă đơ̆ng Hop akŏm ‘măng mă 6 Anih chĕp kơ̆l pơgơ̆r Trung ương Đảng jăl XIII, Kuôk hô̆i hlôi hơtŏk ‘lơ̆ng jơhngơ̆m jang tơnăp, akŏm jơhngơ̆m đon hơgei hơmet pơ ‘lơ̆ng lơ tơdrong jang tih, gĭt kăl hăm tơdrong drơ̆ng lăp, drơ̆ng nơ̆r ‘lơ̆ng.

Tơ̆ ‘măng hop akŏm âu, Kuôk hô̆i pơdrơ̆ng kiơ̆ 06 luơ̆t, 03 tơdrong tơchơ̆t đei pơkăp lơ̆m khôi luơ̆t, ăn tơgop nơ̆r 2 ‘măng Luơ̆t Khăm jĭ, hơmet jĭ ( hơmet ming); pơma dơnuh ‘măng mă blŭng Luơ̆t teh ( hơmet ming) păng 06 luơ̆t nai. Đơ̆ng rŏng ‘măng hop akŏm âu, Kơdră Kuôk hô̆i athei, dôm bơngai tang măt Kuôk hô̆i jăh tơƀơ̆p pơma dơnuh hăm bơngai tăh hla vă roi tơbăt pơtôch ‘Măng hop akŏm, vei tơdrong pơma dơnuh kơjăp, răp mơ̆ng, tơroi tơpăt nơ̆r tơgop păng ‘meh vă đơ̆ng bơngai tăh hla, hơdrin dăr hơlen tơdrong hơmet pơ ‘lơ̆ng dôm nơ̆r apĭnh, tơkêng, tơhlâu đơ̆ng kon pơlei.