Anih hơdăh hloh lơ̆m xơnăm 2022, Măt trâ̆n tôh kuôk hlôi hơvơn, akŏm tôm Kon pơlei; hơmet hơtŏk, chĕp vei jơhngơ̆m pran tơguăt tơguăl tôm kon pơlei, pơjing păng vei lăng Teh đak Việt Nam xăh hô̆i chuh nghĩa.

Tơdrong jang băt hơdăh păng tơroi găh kon pơlei, đoan viên, bơngai jang pơtoi đei pơm jang tơnăp, kiơ̆ lơ trong pơm jang; tơlĕch trong pơklaih dôm tơnap tap, tơhlăk tơhlĭn. Anih jang Măt trâ̆n tôh kuôk Việt Nam dôm jăl jang hlôi hơvơn, tơgŭm ăn Jên mong  "Kơyuơ bơngai hin dơnuh" păng tơgŭm kon pơlei lơ̆m teh đak ƀơm răm đơ̆ng 'mi kial cham char pơrăm; tơgop ăn tơdrong jang tang găn păng tơjră pơrang jĭ Covid-19. Tơ̆ hop akŏm, rim bơngai tang măt drơ̆ng nơ̆r pơm jang ăn xơnăm 2023, anih jang Măt trâ̆n Tôh kuôk Việt Nam akŏm tơlĕch jang, hơtŏk pơ-'lơ̆ng tơdrong jang hơlen păng tơdrong jâu lơ̆m tơpôl; tơlĕch jang kiơ̆ pơkăp minh ƀar tơdrong hơlen lơ̆m jâ̆p teh đak; iŏk nơ̆r tơgop đơ̆ng tơpôl hăm tơdrong chih akŏm luơ̆t, hla bar pơkăp khôi luơ̆t kiơ̆ tơdrong chih akŏm luơ̆t tơchơ̆t ăh xơnăm 2023.