Tơ̆ hop akŏm, Ƀĭ thư Thanh wi Hà Nội Đinh Tiến Dũng xơkơ̆t hơdăh, hơmet pơ-'lơ̆ng Pơkă atŭm pơjing Anih tơm 'măng mă âu noh kăp gĭt lơ̆m tơdrong pơjing păng hơtŏk Anih tơm tơ̆ anăp păng đunh đai kiơ̆ tơchơ̆t đơ̆ng Anih tơm Chĭnh trĭ kiơ̆ Tơchơ̆t kơsô̆ 15. Pơma đam dôm tơdrong kăl găh pơkă Anih tơm Hà Nội lăng truh xơnăm 2050, dôm nơ̆r tơgop tơbang hơdăh, lơ anih tơhlăk lơ̆m hơtŏk mŭk drăm – tơpôl kơ Anih tơm, tơdrong đei ƀôh lơ̆m hơtŏk mŭk drăm, tơpôl, tơring teh dang ei kơ tơring kơdrâ̆m păng tơring pơxĕl oei lơ tơdrong ưh kơ ƀlep, tơlĕch chă trong pơklaih lơ̆m pơkă 'măng mă âu. Atŭm hăm noh, tơblang hơdăh dôm tơdrong hơtŏk kăp gĭt kơ anih tơm Hà Nội, lơ̆m noh ră hơdăh truh dôm mŭk drăm, tơdrong hiôk kăp gĭt noh chĕp vei um ai joh ayŏ xo jing jơhngơ̆m pran 'nao vă hơtŏk Anih tơm lơ̆m khei năr truh.