Pơma pơtơm, Tổng Bí thư Tô Lâm ră hơdah, tơdrong Hop akŏm kăl sek tơlang lơ tơdrong tơnap tap, jing dôm tơdrong athei jang, kăl jang hloi, ưh gơh adar.

Lơ̆m noh, Hop akŏm gô pơma đam gah Tơdrong pơm jang lơ̆m tôm jăl jang kơ Ƀan châ̆p hanh Trung ương Đảng jăl 14; Pơkăp pơm jang kơ Ƀan châ̆p hanh Trung ương Đảng, Hơnih tơm Chinh trĭ, Ƀan Ƀĭ thư; Pơkăp pơm kiơ̆ Tơchơ̆t Đảng; Pơkăp gah tơdrong jang hơlen, ki luơ̆t Đảng; Pơkăp pơm jang đơ̆ng Hơnih jang Hơlen Trung ương; Pơkăp gah tơdrong jang chinh trĭ, đon tơchĕng lơ̆m Đảng; Pơkăp minh ƀar tơchơ̆t tih đơ̆ng Trung ương gah hơlen dăr lăng, gah tang găn păng tơjră xa pơjĭp, huach kư̆ kă, kơnê̆; Hơlen lăng tơdrong asong bơngai jang kơpal kơ dôm hơnih jang teh đak jăl jang 2026–2031; Tơgop nơ̆r gah tơdrong jang hơtŏk mŭk drăm – tơpôl 5 sơnăm 2026–2031, pơkăp jên hu kơ teh đak, pơkăp asong jang tŏ sĕt khei năr sơnăm 2026–2031 păng minh ƀar tơdrong kăp gĭt nai. Kơchĕng hop akŏm gô pơm jang truh năr 27/3/2026.