VOV4.Bahnar – 'Năr brei (25/5), tơ\ pơlei tơm Buôn Ma Thuột, Jơnu\m Drăkăn dêh char Đăk Lăk pơtơm 'Năr ako\m đe drăkăn iung pơm jang dêh char Đăk Lăk xơnăm 2022. 

Hăm hơnăn Hơto\k kơjă tơmam choh pơtăm, 'Năr ako\m đe drăkăn iung pơm jang dêh char Đăk Lăk pơgơ\r lơ tơdrong nhen: pơdăh tơbang tơmam iung pơm jang kơ đe drăkăn; Hop ako\m "tơplih kơso#, te\ch răt đie#n tưh – trong hiôk păng tơnap tap hăm đe drăkăn lơ\m iung pơm jang păng te\ch pơdro"; Ako\m tơbang tơdrong jang ăn đe drăkăn; pơhrăm găh trong pơm jang "hơto\k kơjă ka phê Việt" păng pơkăp pôk hơpăh hăm dôm bơngai jang păng anih jang gơh rơgei lơ\m pơm kiơ\ pơkăp tơgu\m đe drăkăn iung pơm jang xơnăm 2017-2022. 'Nâu jing tơdrong jang vă tơgu\m đe pơmai oh drăkăn iung pơm jang te\ch pơdro gơh ako\m, ho\k hơlen tơbang tơmam drăm, pơjing trong tơroh jang kiơ\ pơkăp hơto\k tơ iung atu\m.

Lan chih păng pơre nơ\r