Tơ̆ ‘măng pơma đam, Kơdră chĕp pơgơ̆r Kuô̆k hô̆i Trần Thanh Mẫn sơkơ̆t hơdăh Việt Nam lăng kơjăp tơgoăt tơgoăl hăm Hàn Quốc, hơpơi ‘meh vă jang hơdoi ƀar teh đak hơnơ̆ng atŏk tơ iung tơpă, jơnei, kơjăp, tơgăl hăm trong jang hơdoi gĭt kăl tôm tong. Găh trong vă iung jang hơdoi lơ̆m khei năr kơnh, ƀar păh drơ̆ng minh nơ̆r hơnơ̆ng hơmet pơ ‘lơ̆ng lui yom chinh trĭ; atok kơtang jang hơdoi tơpă lơ̆m bơ̆ jang vei lăng sơđơ̆ng teh đak, jang tơbôl; pơtrŭt kơtang jang hơdoi mŭk drăm, mơdro sa, tơmơ̆t jên jang, lăng truh trong tơlĕch ăn tĕch mơdro dih băl iŏk đei 100 ti USD lơ̆m sơnăm 2026 păng 150 ti USD lơ̆m sơnăm 2030 kiơ̆ trong hơtŏ hơnơ̆ng, tơpă; pơtrŭt kơtang jang hơdoi khoa hŏk, kmăi kmŏk păng pơjing rơvơn vă Việt Nam vang iung jang lơ̆m rim tơdrong jang kăl găh bán dẫn, AI kơ Hàn Quốc.