VOV4.Bahnar - ‘Năr 15/4, tơ̆ anih jang Kơ khŭl kơ dră teh đak, Phŏ Thủ tướng Lê Văn Thành pơ gơ̆r hop akŏm trực tuyến hăm dôm tơ ring găh jang pơ keh tơ drong proh hơ met hơ tŏk tơ iung ŭnh điên teh đak sơ năm 2021-2030, lăng truh sơ năm 2045 (Proh hơ met tơ drong jang ŭnh điên 8).  Pơ tôch hop akŏm, Phŏ Thủ tướng Lê Văn Thành lăng ‘lơ̆ng dôm nơ̆r tơ gop tơ̆ hop akŏm păng akhan, dôm nơ̆r tơ gop tơ ƀôh đon hơ drin, jang tơ năp, jang kiơ̆ tơ drong tơm Hop akŏm, tơ gop lơ nơ̆r pơ ma gĭt kăl găh hla ar chih Proh hơ met tơ drong jang ŭnh điên 8. Yua thoi noh proh hơ met tơ drong jang ŭnh điên 8 đei tơ pôl apŭng plĕnh teh păng rim tơ ring, anih jang mơ dro sa, bơ ngai tơ mơ̆t jên jang tôch kơ chang gô vă chă trong jang kơ plăh tơ mơ̆t jên jang hơ tŏk tơ iung tơ drong jang ŭnh hơ yuh pơ ma atŭm, ŭnh điên pơ ma hơ drô̆ lơ̆m jăl jang truh âu kơnh. Phŏ Thủ tướng Lê Văn Thành tơ roi rơ đăh tơ lĕch tơ drong đei yua ăn teh đak, hơ drĕch hơ drŭng ‘noh kăl hloh, mă hơ drol ‘noh tơ drong jang ‘lơ̆ng lơ̆m pơ gơ̆r jang đang proh hơ met tơ drong jang ŭnh điên 8 đơ̆ng Khŭl kơ dră teh đak, Thủ tướng teh đak.

Thuem: Tơ blơ̆