VOV4.Bahnar - Pơ gê 24/3, tơ̆ Hà Nội, Phó Thủ tướng Vũ Đức Đam truh akŏm păng iung pơ ma lơ̆m Hop akŏm Anih jang kơ tĕh đak găh druh dăm Việt Nam ‘măng mă 1. Pơ ma tơ̆ hop akŏm, Phó Thủ tướng Vũ Đức Đam akhan: Hrei ‘nâu, druh dăm păh iung tam mă tôm 18 sơ năm đĭ đei đon hlôh vao lơ̆m tơ pôl, hlôh vao lơ ƀiơ̆ kơ chăl mĕ ƀă yă ƀok sơ̆. ‘Nâu jĭ 1 lơ̆m dôm tơ drong nol đei tơ lĕch ăn Anih jang kơ tĕh đak găh druh dăm Việt Nam.

Phó Thủ tướng Vũ Đức Đam tơ̆ Hop akŏm

Phó thủ tướng Vũ Đức Đam athei, tơ̆ hơ năp kơnh Anih âu păng Trung ương Đoàn hlôh vao mă hơ dăh, pơ jing lơ tơ drong jang vă tưk tơ iung đon rơ gei đơ̆ng druh dăm Việt Nam chăl ‘nao. Pơ ma hơ dăh đon tơ rĕk đơ̆ng Khul kơ dră tĕh đak păng Thủ tướng tĕh đak, hăm druh dăm Việt Nam păng tơ drong jang kơ druh dăm, Phó Thủ tướng Vũ Đức Đam athei dôm anih tơm, anih jang kơ pal đei ƀơm truh jăh jang hơ doi mă kơ jăp hăm Anih jang kơ tĕh đak găh druh dăm Việt Nam păng Trung ương Đoàn tơ lĕch dôm tơ drong jang mă hơ dăh, kiơ̆ đon tơ chĕng đơ̆ng Khul kơ dră tĕh đak.

Dơ̆ng: Tơ blơ̆