VOV4.Bahnar - ‘Năr 10/5, tơ̆ apŭng Kon Plông, dêh char Kon Tum, Anih jang Đảng kơ Anih chĕp kơ̆l khul linh Quân khu 5 jang hơ doi hăm Khul kơ dră chĕp kơ̆l đảng dêh char, Dơ nŏ anih vei lăng kon pơ lei dêh char Kon Tum pơ gơ̆r hop akŏm hơ dai hăm dôm anih pơ vih ăn Anih jang đảng dêh char păng Dơ nŏ anih vei lăng kon pơ lei 11 dêh char, plt găh tơ drong jang khul linh, vei sơ đơ̆ng tĕh đak, đei: Kon Tum, Đà Nẵng, Quảng Nam, Quảng Ngãi, Bình Định, Phú Yên, Khánh Hòa, Ninh Thuận, Gia Lai, Đăk Lăk, Đăk Nông. 

Lêh kĭ pơ kăp jang hơ doi

Kiơ̆ kơ ‘nŏh, dôm anih pơ vih ăn Anih jang đảng hơ nơ̆ng hlôh vao kơ jăp, pơ gơ̆r bơ̆ jang ‘lơ̆ng dôm tơ drong tơ chơ̆t, nơ̆r athei đơ̆ng anih jang kơ pal, mă loi jĭ tơ drong Tơ chơ̆t đơ̆ng Hop akŏm Đảng lơ̆m tĕh đak ‘măng mă XIII, Tơ drong tơ chơ̆t đơ̆ng hop akŏm Đảng ƀô̆ dôm dêh char, plt păng Hop akŏm Đảng ƀô̆ Quân khu 5. Hơ nơ̆ng vei kơ jăp tơ drong pơ vei ‘lơ̆ng hơ iă păng tơ lĕch jang đei yoa Trong jang hơ doi đơ̆ng dôm anih jang tơ̆ tơ ring hăm anih jang kơ Quân khu pơ ma atŭm, dôm anih jang pơ vih pơ văn tơ̆ tơ ring pơ ma hơ drô̆.

Dơ̆ng: Tơ blơ̆